mere qarib wo aaya tha ru-ba-ru na hua

mire qarīb vo aaya thā rū-ba-rū na huā

nazar milā ke bhī mā.il-ba-guftugū na huā

ḳhizāñ ba-dosh har ik phuul hai kalī be-rang

kaf-e-bahār se gulshan bhī mushk-bū na huā

fazā meñ habs thā mauj-e-havā bhī sākit thī

tirī vafā kā magar phuul be numū na huā

maiñ kis ko apne lahu kā ḳhirāj pesh karūñ

mire lahū se to maqtal bhī surḳh-rū na huā

pahan liyā hai sar-e-dār ḳhuuñ kā pairāhan

sitam to ye hai ki shāmil mirā lahū na huā

chhalaktā jaam thā saaqī thā mai-kada bhī thā

magar ye lab kabhī minnat-kash-e-subū na huā

mere qarib wo aaya tha ru-ba-ru na hua

nazar mila ke bhi mail-ba-guftugu na hua

KHizan ba-dosh har ek phul hai kali be-rang

kaf-e-bahaar se gulshan bhi mushk-bu na hua

faza mein habs tha mauj-e-hawa bhi sakit thi

teri wafa ka magar phul be numu na hua

main kis ko apne lahu ka KHiraj pesh karun

mere lahu se to maqtal bhi surKH-ru na hua

pahan liya hai sar-e-dar KHun ka pairahan

sitam to ye hai ki shamil mera lahu na hua

chhalakta jam tha saqi tha mai-kada bhi tha

magar ye lab kabhi minnat-kash-e-subu na hua