mere riyaz ka aaKHir asar dikhai diya

mire riyāz kā āḳhir asar dikhā.ī diyā

chhupā thā dil meñ jo naġhma mujhe sunā.ī diyā

jahāñ-shanās o ḳhud-āgāh kar diyā mujh ko

mire shu.ūr ne vo dard-e-āshnā.ī diyā

jo pā liyā tujhe maiñ ḳhud ko DhūñDne niklā

tumhāre qurb ne bhī zaḳhm-e-nā-rasā.ī diyā

abhī to toḌ thake bāzuoñ kī patvāreñ

vo duur ufuq pe koī bādbāñ dikhā.ī diyā

zamāne biit ga.e dasht dasht phirne ke

na.e shu.ūr ne ham ko safar ḳhalā.ī diyā

mere riyaz ka aaKHir asar dikhai diya

chhupa tha dil mein jo naghma mujhe sunai diya

jahan-shanas o KHud-agah kar diya mujh ko

mere shuur ne wo dard-e-ashnai diya

jo pa liya tujhe main KHud ko DhunDne nikla

tumhaare qurb ne bhi zaKHm-e-na-rasai diya

abhi to toD thake bazuon ki patwaren

wo dur ufuq pe koi baadban dikhai diya

zamane bit gae dasht dasht phirne ke

nae shuur ne hum ko safar KHalai diya