mere sath rishta banae hue hain

mire saath rishta banā.e hue haiñ

jo duniyā ke Dar se satā.e hue haiñ

kahānī meñ rakh kar haqīqat kī bāteñ

ham un kī kahānī sunā.e hue haiñ

hamīñ ne sikhā.ī haiñ bāteñ vafā kī

hamīñ se vo dāman bachā.e hue haiñ

vo haiñ kitne hairān ghar mere aa kar

ki jaise vo pahle bhī aa.e hue haiñ

vo samjhā rahe haiñ ġham-e-zindagī ko

jo ḳhud choT siine pe khaa.e hue haiñ

ye dīvāne shāyad haiñ us kī galī ke

jo nazroñ se mujh ko girā.e hue haiñ

vo ḳhāmosh nazroñ ko merā ishāra

sabhī mujh pe nazreñ jamā.e hue haiñ

maiñ tanhā thā pahle bhī tanhā rahūñgā

vo mujh se kyoñ dāman bachā.e hue haiñ

mere sath rishta banae hue hain

jo duniya ke Dar se satae hue hain

kahani mein rakh kar haqiqat ki baaten

hum un ki kahani sunae hue hain

hamin ne sikhai hain baaten wafa ki

hamin se wo daman bachae hue hain

wo hain kitne hairan ghar mere aa kar

ki jaise wo pahle bhi aae hue hain

wo samjha rahe hain gham-e-zindagi ko

jo KHud choT sine pe khae hue hain

ye diwane shayad hain us ki gali ke

jo nazron se mujh ko girae hue hain

wo KHamosh nazron ko mera ishaara

sabhi mujh pe nazren jamae hue hain

main tanha tha pahle bhi tanha rahunga

wo mujh se kyon daman bachae hue hain