مرے ساتھ رشتہ بنائے ہوئے ہیں

مرے ساتھ رشتہ بنائے ہوئے ہیں

جو دنیا کے ڈر سے ستائے ہوئے ہیں

کہانی میں رکھ کر حقیقت کی باتیں

ہم ان کی کہانی سنائے ہوئے ہیں

ہمیں نے سکھائی ہیں باتیں وفا کی

ہمیں سے وہ دامن بچائے ہوئے ہیں

وہ ہیں کتنے حیران گھر میرے آ کر

کہ جیسے وہ پہلے بھی آئے ہوئے ہیں

وہ سمجھا رہے ہیں غم زندگی کو

جو خود چوٹ سینہ پہ کھائے ہوئے ہیں

یہ دیوانے شاید ہیں اس کی گلی کے

جو نظروں سے مجھ کو گرائے ہوئے ہیں

وہ خاموش نظروں کو میرا اشارہ

سبھی مجھ پہ نظریں جمائے ہوئے ہیں

میں تنہا تھا پہلے بھی تنہا رہوں گا

وہ مجھ سے کیوں دامن بچائے ہوئے ہیں