mere sathiyo mere hamdamo ye baja ki tez-KHiram hun
![Mujeeb Khairabadi Mujeeb Khairabadi](https://www.rekhta.org/Content/Images/quill.png)
mere sathiyo mere hamdamo ye baja ki tez-KHiram hun
Mujeeb Khairabadi
MORE BYMujeeb Khairabadi
mire sāthiyo mire hamdamo ye bajā ki tez-ḳhirām huuñ
mire saath saath chale chalo meñ na.ī sahar kā payām huuñ
mire naqsh-e-pā na miTe agar to chamak uTheñge ye rāste
mire qāfile ko ḳhabar karo maiñ harīf-e-zulmat-e-shām huuñ
vahī roz-o-shab vahī zulmateñ vahī marhale vahī gardisheñ
jo kabhī tamām na ho sake vo hadīs-e-nīm-tamām hoñ
kahīñ sub.h hai kahīñ shaam hai mujhe ḳhud bhī apnā patā nahīñ
mirā kyā surāġh mile tumheñ abhī be-dayār-o-qayām huuñ
dil-e-dard-mañd ko aaj bhī hai 'mujīb' hasrat-e-rāz-dāñ
maiñ vo ek naġhma-e-ārzū ki ḳhud apne lab pe harām huuñ
mere sathiyo mere hamdamo ye baja ki tez-KHiram hun
mere sath sath chale chalo mein nai sahar ka payam hun
mere naqsh-e-pa na miTe agar to chamak uThenge ye raste
mere qafile ko KHabar karo main harif-e-zulmat-e-sham hun
wahi roz-o-shab wahi zulmaten wahi marhale wahi gardishen
jo kabhi tamam na ho sake wo hadis-e-nim-tamam hon
kahin subh hai kahin sham hai mujhe KHud bhi apna pata nahin
mera kya suragh mile tumhein abhi be-dayar-o-qayam hun
dil-e-dard-mand ko aaj bhi hai 'mujib' hasrat-e-raaz-dan
main wo ek naghma-e-arzu ki KHud apne lab pe haram hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.