mere suKHan ko anokhe kamal deta hai

mire suḳhan ko anokhe kamāl detā hai

tirā ḳhayāl mirā dil ujaal detā hai

maiñ tujh ko soch ke likkhūñ to ye qalam merā

mire hunar ko na.e ḳhadd-o-ḳhāl detā hai

zamāna vaqt kī sūrat hai mehrbāñ mujh par

har ek zaḳhm pae-indimāl detā hai

bisāt-e-zīst pe har aan pheñk kar pāñsa

koī to vaqt ke mohre ko chaal detā hai

haiñ jis ke nuur ke partav ye chāñd ye sūraj

vahī to ham ko na.e māh-o-sāl detā hai

usī ko bhuul chuke haiñ 'ġhazal' zamīñ ke ḳhudā

jo har uruuj ko ik din zavāl detā hai

mere suKHan ko anokhe kamal deta hai

tera KHayal mera dil ujal deta hai

main tujh ko soch ke likkhun to ye qalam mera

mere hunar ko nae KHadd-o-KHal deta hai

zamana waqt ki surat hai mehrban mujh par

har ek zaKHm pae-indimal deta hai

bisat-e-zist pe har aan phenk kar pansa

koi to waqt ke mohre ko chaal deta hai

hain jis ke nur ke partaw ye chand ye suraj

wahi to hum ko nae mah-o-sal deta hai

usi ko bhul chuke hain 'ghazal' zamin ke KHuda

jo har uruj ko ek din zawal deta hai