mere suKHan ko wo eajaz de KHuda-e-suKHan

mire suḳhan ko vo e.ajāz de ḳhudā-e-suḳhan

ki harf harf bane ganj-e-be-bahāe-suḳhan

sukūt toḌe kabhī tū bhī dil kī baat kahe

ḳhudā kare kabhī tere bhī lab pe aa.e suḳhan

ġhazab ḳhudā kā kaḌī dhuup kā tavīl safar

aur us safar kā asāsa bas ik ridā-e-suḳhan

hadīs-e-ġham kā bayāñ hai baġhair-e-jumbish-e-lab

hai ḳhāmushī bhī mirī ain mudda.ā-e-suḳhan

badan se lipTī rahī taar taar ho kar bhī

hameñ aziiz bhalā kyuuñ na ho qabā-e-suḳhan

hikāyat-e-ġham-e-dil kah ke siine paḌ ga.e lab

hameñ ye chup bhī lagī hai to bar-binā-e-suḳhan

nibhe to kaise nibhe ab ye sochnā hai 'vaqār'

ki vo suḳhan se gurezāñ hai maiñ fidā-e-suḳhan

mere suKHan ko wo eajaz de KHuda-e-suKHan

ki harf harf bane ganj-e-be-bahae-suKHan

sukut toDe kabhi tu bhi dil ki baat kahe

KHuda kare kabhi tere bhi lab pe aae suKHan

ghazab KHuda ka kaDi dhup ka tawil safar

aur us safar ka asasa bas ek rida-e-suKHan

hadis-e-gham ka bayan hai baghair-e-jumbish-e-lab

hai KHamushi bhi meri ain muddaa-e-suKHan

badan se lipTi rahi tar tar ho kar bhi

hamein aziz bhala kyun na ho qaba-e-suKHan

hikayat-e-gham-e-dil kah ke sine paD gae lab

hamein ye chup bhi lagi hai to bar-bina-e-suKHan

nibhe to kaise nibhe ab ye sochna hai 'waqar'

ki wo suKHan se gurezan hai main fida-e-suKHan