mere waste wo adam hue jo saf-e-adu se nikal gae

mire vāste vo adam hue jo saf-e-adū se nikal ga.e

mirī mahfiloñ se nikal ga.e mirī guftugū se nikal ga.e

vo jo ek paanī kī buuñd thī tire bahr-e-zahr meñ zam huī

vo jo qatra-hā-e-sharāb the tirī āb-e-jū se nikal ga.e

jo maqām-e-lā pe khaḌe rahe saf-e-surḳh-rū meñ khaḌe rahe

jo maqām-e-lā se nikal ga.e saf-e-surḳh-rū se nikal ga.e

tire rang-o-bū ko bhī dekhte na ḳhayāl thā na majāl thī

jo sakat milī tujhe dekhne kī to rang-o-bū se nikal ga.e

hameñ sirf terī talāsh thī safar āsmāñ kā kiyā shurūa

abhī sang-e-mīl thā sātvāñ tirī justujū se nikal ga.e

the jo hukm-e-sajda pe mo'tariz ki sharār-e-dahr kā naaz the

vo fasīl-e-vaqt ko toḌ kar tire kāḳh-o-kū se nikal ga.e

mere waste wo adam hue jo saf-e-adu se nikal gae

meri mahfilon se nikal gae meri guftugu se nikal gae

wo jo ek pani ki bund thi tere bahr-e-zahr mein zam hui

wo jo qatra-ha-e-sharab the teri aab-e-ju se nikal gae

jo maqam-e-la pe khaDe rahe saf-e-surKH-ru mein khaDe rahe

jo maqam-e-la se nikal gae saf-e-surKH-ru se nikal gae

tere rang-o-bu ko bhi dekhte na KHayal tha na majal thi

jo sakat mili tujhe dekhne ki to rang-o-bu se nikal gae

hamein sirf teri talash thi safar aasman ka kiya shurua

abhi sang-e-mil tha satwan teri justuju se nikal gae

the jo hukm-e-sajda pe mo'tariz ki sharar-e-dahr ka naz the

wo fasil-e-waqt ko toD kar tere kaKH-o-ku se nikal gae