meri aankhon se aise dard ka rishta nikal aaya

mirī āñkhoñ se aise dard kā rishta nikal aayā

jise rakkhā nigāhoñ meñ vahī qatra nikal aayā

vo jis ko saarī duniyā kī ḳhudā ne baḳhsh dī daulat

usī ke ghar mirā khoyā huā kāñsā nikal aayā

maiñ dasrath māñjhī kā qissa bhī is misre meñ kahtā huuñ

kisī kī zid ke aage nuur kā rasta nikal aayā

jo us ne kah diyā gar vaah bin samjhe ġhazal merī

mire sar bhī ka.ī alfāz kā ḳharcha nikal aayā

hai kuchh to qāfiya baḌhiyā zarā mujh meñ bhī sastī hai

baḌī mushkil hai terī yaad kā sadma nikal aayā

zarā sī der meñ saarā fasāna likh ga.e qātil

banā.ī barsoñ kī buniyād pe jhagḌā nikal aayā

maiñ tere ishq kī bātoñ ko kaise hū-ba-hū likh duuñ

kahīñ qatra nikal aayā kahīñ dariyā nikal aayā

baḌī mushkil meñ huuñ dilbar alag andāz se tere

yuuñ kaise jhiil sī āñkhoñ meñ ye sahrā nikal aayā

ġhazal meñ mujh ko apnī baat kahne kā salīqa de

zarā se ilm se 'ehsās' par ḳhatra nikal aayā

meri aankhon se aise dard ka rishta nikal aaya

jise rakkha nigahon mein wahi qatra nikal aaya

wo jis ko sari duniya ki KHuda ne baKHsh di daulat

usi ke ghar mera khoya hua kansa nikal aaya

main dasrath manjhi ka qissa bhi is misre mein kahta hun

kisi ki zid ke aage nur ka rasta nikal aaya

jo us ne kah diya gar wah bin samjhe ghazal meri

mere sar bhi kai alfaz ka KHarcha nikal aaya

hai kuchh to qafiya baDhiya zara mujh mein bhi sasti hai

baDi mushkil hai teri yaad ka sadma nikal aaya

zara si der mein sara fasana likh gae qatil

banai barson ki buniyaad pe jhagDa nikal aaya

main tere ishq ki baaton ko kaise hu-ba-hu likh dun

kahin qatra nikal aaya kahin dariya nikal aaya

baDi mushkil mein hun dilbar alag andaz se tere

yun kaise jhil si aankhon mein ye sahra nikal aaya

ghazal mein mujh ko apni baat kahne ka saliqa de

zara se ilm se 'ehsas' par KHatra nikal aaya