meri chhat par kabutar aa rahe hain

mirī chhat par kabūtar aa rahe haiñ

mujhe ye kis ke letter aa rahe haiñ

liyā thā naam hī us bevafā kā

hamāre muñh meñ kankar aa rahe haiñ

unheñ mahbūb kah kar kyā pukārā

har ik jānib se patthar aa rahe haiñ

purāne ġham haiñ dil meñ aur na.e bhī

binā pūchhe hī andar aa rahe haiñ

hameñ bāñhoñ kā tum tā'vīz de do

ki dil meñ vasvase dar aa rahe haiñ

mirī tishna-labī afvāh thī bas

mire dar par samundar aa rahe haiñ

qadam paḌte hī dhaḌkan ruk na jaa.e

vo mere dil ke andar aa rahe haiñ

tire tīr-e-nazar par naam thā to

hasīnāoñ se bach kar aa rahe haiñ

ḳhushī se ho na jā.ūñ aaj pāgal

sunā hai vo mire ghar aa rahe haiñ

meri chhat par kabutar aa rahe hain

mujhe ye kis ke letter aa rahe hain

liya tha nam hi us bewafa ka

hamare munh mein kankar aa rahe hain

unhen mahbub kah kar kya pukara

har ek jaanib se patthar aa rahe hain

purane gham hain dil mein aur nae bhi

bina puchhe hi andar aa rahe hain

hamein banhon ka tum ta'wiz de do

ki dil mein waswase dar aa rahe hain

meri tishna-labi afwah thi bas

mere dar par samundar aa rahe hain

qadam paDte hi dhaDkan ruk na jae

wo mere dil ke andar aa rahe hain

tere tir-e-nazar par nam tha to

hasinaon se bach kar aa rahe hain

KHushi se ho na jaun aaj pagal

suna hai wo mere ghar aa rahe hain