مری ہر بات کا اقرار کر کے
مری ہر بات کا اقرار کر کے
گیا وہ زندگی دشوار کر کے
پرانا غم نیا سنگھار کر کے
چلا جائے گا مجھ سے پیار کر کے
تو ہارا ظلم کی حد سے گزر کر
میں جیتا صبر کو ہتھیار کر کے
حقیقت اور ہی ہوگی یقیناً
پڑھو چہروں کو تم اخبار کر کے
غلط فہمی دلوں کے بیچ اکثر
چلی جاتی ہے اک دیوار کر کے
عداوت میں تو آسانی ہے لیکن
بہت مشکل ہے جینا پیار کر کے
ذہینؔ آخر زمانہ سو گیا ہے
ترے ہر درد کو بیدار کر کے
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
