meri har baat ka iqrar kar ke

mirī har baat kā iqrār kar ke

gayā vo zindagī dushvār kar ke

purānā ġham nayā singhār kar ke

chalā jā.egā mujh se pyaar kar ke

tū haarā zulm kī had se guzar kar

maiñ jiitā sabr ko hathiyār kar ke

haqīqat aur hī hogī yaqīnan

paḌho chehroñ ko tum aḳhbār kar ke

ġhalat-fahmī diloñ ke biich aksar

chalī jaatī hai ik dīvār kar ke

adāvat meñ to āsānī hai lekin

bahut mushkil hai jiinā pyaar kar ke

'zahīn' āḳhir zamāna so gayā hai

tire har dard ko bedār kar ke

meri har baat ka iqrar kar ke

gaya wo zindagi dushwar kar ke

purana gham naya singhaar kar ke

chala jaega mujh se pyar kar ke

tu haara zulm ki had se guzar kar

main jita sabr ko hathiyar kar ke

haqiqat aur hi hogi yaqinan

paDho chehron ko tum aKHbar kar ke

ghalat-fahmi dilon ke bich aksar

chali jati hai ek diwar kar ke

adawat mein to aasani hai lekin

bahut mushkil hai jina pyar kar ke

'zahin' aaKHir zamana so gaya hai

tere har dard ko bedar kar ke