meri hi baat sunti hai mujhi se baat karti hai
meri hi baat sunti hai mujhi se baat karti hai
Bharat Bhushan Pant
MORE BYBharat Bhushan Pant
mirī hī baat suntī hai mujhī se baat kartī hai
kahāñ tanhā.ī ghar kī ab kisī se baat kartī hai
hamesha us kī bātoñ meñ añdheroñ kā vahī ronā
ye shab jab bhī diye kī raushnī se baat kartī hai
maiñ jab māyūs ho kar rāste meñ baiTh jaatā huuñ
to har manzil mirī āvārgī se baat kartī hai
sukūt-e-shab meñ jab saare musāfir so.e hote haiñ
unhīñ lamhāt meñ kashtī nadī se baat kartī hai
kabhī chup chaap tārīkī kī chādar oḌh letī hai
kabhī vo jhiil shab bhar chāñdnī se baat kartī hai
dayār-e-zāt meñ us vaqt jab maiñ bhī nahīñ hotā
koī āvāz merī ḳhāmushī se baat kartī hai
hamesha us ke chehre par ajab sā ḳhauf rahtā hai
kabhī jab maut merī zindagī se baat kartī hai
meri hi baat sunti hai mujhi se baat karti hai
kahan tanhai ghar ki ab kisi se baat karti hai
hamesha us ki baaton mein andheron ka wahi rona
ye shab jab bhi diye ki raushni se baat karti hai
main jab mayus ho kar raste mein baiTh jata hun
to har manzil meri aawargi se baat karti hai
sukut-e-shab mein jab sare musafir soe hote hain
unhin lamhat mein kashti nadi se baat karti hai
kabhi chup chap tariki ki chadar oDh leti hai
kabhi wo jhil shab bhar chandni se baat karti hai
dayar-e-zat mein us waqt jab main bhi nahin hota
koi aawaz meri KHamushi se baat karti hai
hamesha us ke chehre par ajab sa KHauf rahta hai
kabhi jab maut meri zindagi se baat karti hai
- Book : Bechehragi (Pg. 68)
- Author : bharat bhushan pant
- Publication : Suman prakashan Alambagh,Lucknow (2010)
- Edition : 2010
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
