مری جاں جدائی نہ ہوگی تو ہوگی
مری جاں جدائی نہ ہوگی تو ہوگی
کسی دن لڑائی نہ ہوگی تو ہوگی
انہیں شرم ہے اور یہاں شوق بے حد
اگر ہاتھاپائی نہ ہوگی تو ہوگی
نہیں اتنی جرأت کہ قدموں پہ گریے
کہ ان سے صفائی نہ ہوگی تو ہوگی
ذرا جذبۂ دل مدد کر خدارا
جو ان تک رسائی نہ ہوگی تو ہوگی
نہ کچھ حسن و خوبی میں فرق آیا ہوگا
یہ دولت لٹائی نہ ہوگی تو ہوگی
رہائی اسیر محبت کو تیرے
اگر موت آئی نہ ہوگی تو ہوگی
نئے ظلم ایجاد کرتے رہو تم
جہاں میں دہائی نہ ہوگی تو ہوگی
نہیں باک غیروں سے ملنے میں ان کو
جو دل میں برائی نہ ہوگی تو ہوگی
ہر اک بات پر آفریں جب کہیں سب
تو پھر خود ستائی نہ ہوگی تو ہوگی
محبت کی جو آنکھ تھی آگے تیری
جو تو نے چرائی نہ ہوگی تو ہوگی
محبت کا گر کھل گیا حال ان پر
تو انجمؔ رکھائی نہ ہوگی تو ہوگی
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
