meri jagah pe raha waqt mere ghar mein tha

mirī jagah pe rahā vaqt mere ghar meñ thā

maiñ jab talak bhī ḳhalāoñ ke is safar meñ thā

patā mujhe bhī na chaltā ki kho gayā huuñ maiñ

ye vāqi'a kisī aḳhbār kī ḳhabar meñ thā

ye qaid-e-jism ye sāñsoñ kī garm zanjīreñ

maiñ pahle kyā thā havāoñ ke jab asar meñ thā

bas ik tavīl sī añgḌā.ī le ke Tuut gayā

vo sang-dil jo abhī tak agar magar meñ thā

ki jaise maiñ ne nubuvvat kā kar diyā e'lān

kuchh is tarah mirā charchā tire nagar meñ thā

yahāñ bhī kī mire dāman ne dushmanī ai 'hosh'

vagarna maiñ to hifāzat se is shajar meñ thā

meri jagah pe raha waqt mere ghar mein tha

main jab talak bhi KHalaon ke is safar mein tha

pata mujhe bhi na chalta ki kho gaya hun main

ye waqi'a kisi aKHbar ki KHabar mein tha

ye qaid-e-jism ye sanson ki garm zanjiren

main pahle kya tha hawaon ke jab asar mein tha

bas ek tawil si angDai le ke Tut gaya

wo sang-dil jo abhi tak agar magar mein tha

ki jaise main ne nubuwwat ka kar diya e'lan

kuchh is tarah mera charcha tere nagar mein tha

yahan bhi ki mere daman ne dushmani ai 'hosh'

wagarna main to hifazat se is shajar mein tha