meri KHak mein wila ka na koi sharar hota

mirī ḳhaak meñ vilā kā na koī sharār hotā

na hī dil se aag uThtī na ye be-qarār hotā

mire sar pe haath rakhnā jo tirā shi.ār hotā

maiñ na dar-ba-dar bhaTaktā kahīñ ār-pār hotā

maiñ rahīn-e-qalb-e-muztar tū charāġh-e-shādmānī

tirī mahfil-e-tarab meñ kahāñ dil-figār hotā

tirī be-ḳhudī ne ai dil kisī kaam kā na chhoḌā

tirī baat Taal detā to na ḳhud pe baar hotā

tire husn kī kahānī mirī chashm-e-tar se niklī

maiñ na ashk-bār hotā to na āshkār hotā

agar is pe baiTh jaatā koī murġh-e-nā-umīdī

mirā naḳhl-e-ārzū phir kahāñ sāya-dār hotā

meri KHak mein wila ka na koi sharar hota

na hi dil se aag uThti na ye be-qarar hota

mere sar pe hath rakhna jo tera shiar hota

main na dar-ba-dar bhaTakta kahin aar-par hota

main rahin-e-qalb-e-muztar tu charagh-e-shadmani

teri mahfil-e-tarab mein kahan dil-figar hota

teri be-KHudi ne ai dil kisi kaam ka na chhoDa

teri baat Tal deta to na KHud pe bar hota

tere husn ki kahani meri chashm-e-tar se nikli

main na ashk-bar hota to na aashkar hota

agar is pe baiTh jata koi murgh-e-na-umidi

mera naKHl-e-arzu phir kahan saya-dar hota