meri KHata se baDi teri darguzar hogi

mirī ḳhatā se baḌī terī darguzar hogī

to phir du'ā mirī kaahe ko be-asar hogī

ye mere dil ke safar kī hai kaun sī manzil

pata nahīñ hai musāfir ko to ḳhabar hogī

nahā ke shab meñ hī gesū jhaTak ke khol diye

to kis tarah se mirī jaan ab sahar hogī

ḳhudā darāz kare 'umr terī zulfoñ kī

shab-e-visāl balā se jo muḳhtasar hogī

jo mujh se lenā hai le le matā’-e-fikr-o-nazar

vagarna duniyā ba-kashkol dar-ba-dar hogī

uThegā shor-e-qayāmat bapegā hashr 'sahar'

jo un kī gurg-shanāsā.ī mo'tabar hogī

meri KHata se baDi teri darguzar hogi

to phir du'a meri kahe ko be-asar hogi

ye mere dil ke safar ki hai kaun si manzil

pata nahin hai musafir ko to KHabar hogi

naha ke shab mein hi gesu jhaTak ke khol diye

to kis tarah se meri jaan ab sahar hogi

KHuda daraaz kare 'umr teri zulfon ki

shab-e-visal bala se jo muKHtasar hogi

jo mujh se lena hai le le mata’-e-fikr-o-nazar

wagarna duniya ba-kashkol dar-ba-dar hogi

uThega shor-e-qayamat bapega hashr 'sahar'

jo un ki gurg-shanasai mo'tabar hogi