meri KHud se mohabbat baDh gai hai

mirī ḳhud se mohabbat baḌh ga.ī hai

bahut piñjre se vahshat baḌh ga.ī hai

haiñ mere ḳhvāb saare mom ke but

mire sūraj tamāzat baḌh ga.ī hai

hamāre biich bedārī hī ġham thī

bas ab nīñdoñ kī hājat baḌh ga.ī hai

ye kyā bāzār kaise log yūsuf

idhar kyoñ terī raġhbat baḌh ga.ī hai

sunā.ī detā hai sab an-kahā bhī

tirī dhun meñ samā'at baḌh ga.ī hai

kabhī nīñdoñ se maiñ vahshat-zada thī

par ab ḳhvāboñ se rāhat baḌh ga.ī hai

maiñ bachnā chāhtī huuñ apnī jaañ se

mirī mujh se mohabbat baḌh ga.ī hai

nasha sūraj ko ho jaa.e to kyā ho

mirī hairat pe hairat baḌh ga.ī hai

meri KHud se mohabbat baDh gai hai

bahut pinjre se wahshat baDh gai hai

hain mere KHwab sare mom ke but

mere suraj tamazat baDh gai hai

hamare bich bedari hi gham thi

bas ab nindon ki hajat baDh gai hai

ye kya bazar kaise log yusuf

idhar kyon teri raghbat baDh gai hai

sunai deta hai sab an-kaha bhi

teri dhun mein sama'at baDh gai hai

kabhi nindon se main wahshat-zada thi

par ab KHwabon se rahat baDh gai hai

main bachna chahti hun apni jaan se

meri mujh se mohabbat baDh gai hai

nasha suraj ko ho jae to kya ho

meri hairat pe hairat baDh gai hai