meri laghzishon pe nazar na kar mujhe rahmaton se nawaz de

mirī laġhzishoñ pe nazar na kar mujhe rahmatoñ se navāz de

baḌā hogā mujh pe tirā karam tū mohabbatoñ se navāz de

tire ishq meñ bhī mazā mile tire hijr meñ bhī mazā mile

rahūñ ġham meñ tere jo mubtalā unhīñ chāhatoñ se navāz de

tū banā le apnā mujhe agar mujhe faḳhr hogā nasīb par

mirā naam hogā jahān meñ mujhe shohratoñ se navāz de

nahīñ koī dil meñ tire sivā tū mirā sanam hai mirā ḳhudā

mire dil ko jis se jilā mile unheñ nisbatoñ se navāz de

phirūñ kū-ba-kū yahāñ dar-ba-dar tire naqsh-e-pā pe mirī nazar

tū bulā kar apne qarīb-tar mujhe qurbatoñ se navāz de

meri laghzishon pe nazar na kar mujhe rahmaton se nawaz de

baDa hoga mujh pe tera karam tu mohabbaton se nawaz de

tere ishq mein bhi maza mile tere hijr mein bhi maza mile

rahun gham mein tere jo mubtala unhin chahaton se nawaz de

tu bana le apna mujhe agar mujhe faKHr hoga nasib par

mera nam hoga jahan mein mujhe shohraton se nawaz de

nahin koi dil mein tere siwa tu mera sanam hai mera KHuda

mere dil ko jis se jila mile unhen nisbaton se nawaz de

phirun ku-ba-ku yahan dar-ba-dar tere naqsh-e-pa pe meri nazar

tu bula kar apne qarib-tar mujhe qurbaton se nawaz de