meri nazar se jo nazren bachae baiThe hain

mirī nazar se jo nazreñ bachā.e baiThe haiñ

ḳhabar bhī hai unheñ kyā gul khilā.e baiThe haiñ

hazār baar jale jis se bāl-o-par apne

usī charāġh se ham lau lagā.e baiThe haiñ

jo shāḳh shoḳhī-e-barq-e-tapāñ se hai mānūs

usī pe aaj nasheman banā.e baiThe haiñ

phir us ke vāda-e-fardā kā ho yaqīñ kaise

hazār baar jise āzmā.e baiThe haiñ

shab-e-firāq kī ham tīrgī se ghabrā kar

charāġh-e-zaḳhm-e-ġham-e-dil jalā.e baiThe haiñ

use hijāb kahūñ yā kahūñ pashemānī

mire mazār pe vo sar jhukā.e baiThe haiñ

ham ek qatra-e-qalb-e-hazīñ meñ ai 'iqbāl'

ġham-e-hayāt ke tūfāñ chhupā.e baiThe haiñ

meri nazar se jo nazren bachae baiThe hain

KHabar bhi hai unhen kya gul khilae baiThe hain

hazar bar jale jis se baal-o-par apne

usi charagh se hum lau lagae baiThe hain

jo shaKH shoKHi-e-barq-e-tapan se hai manus

usi pe aaj nasheman banae baiThe hain

phir us ke wada-e-farda ka ho yaqin kaise

hazar bar jise aazmae baiThe hain

shab-e-firaq ki hum tirgi se ghabra kar

charagh-e-zaKHm-e-gham-e-dil jalae baiThe hain

use hijab kahun ya kahun pashemani

mere mazar pe wo sar jhukae baiThe hain

hum ek qatra-e-qalb-e-hazin mein ai 'iqbaal'

gham-e-hayat ke tufan chhupae baiThe hain