meri nigah ko ai kash ye hunar aae

mirī nigāh ko ai kaash ye hunar aa.e

maiñ aañkh band karūñ aur vo nazar aa.e

hameñ na pyaas kī shiddat na kuchh thakan kā gila

ai zindagī tire sahrā se ham guzar aa.e

tumhārī talḳh-kalāmī se jī udaas huā

jo bhar chuke the mire zaḳhm phir ubhar aa.e

sahn meñ baiTh ke ham phir hañsī mazāq kareñ

ḳhudā kare kabhī mausam vo lauT kar aa.e

bhigo rahī thī kabhī jis kī yaad kī bārish

vo dhuup ban ke mire sahn meñ utar aa.e

meri nigah ko ai kash ye hunar aae

main aankh band karun aur wo nazar aae

hamein na pyas ki shiddat na kuchh thakan ka gila

ai zindagi tere sahra se hum guzar aae

tumhaari talKH-kalami se ji udas hua

jo bhar chuke the mere zaKHm phir ubhar aae

sahn mein baiTh ke hum phir hansi mazaq karen

KHuda kare kabhi mausam wo lauT kar aae

bhigo rahi thi kabhi jis ki yaad ki barish

wo dhup ban ke mere sahn mein utar aae