meri nigah mein hai KHak sim-o-zar ka fusun

mirī nigāh meñ hai ḳhaak sīm-o-zar kā fusūñ

subūt-e-mo.ajiza-e-raftagān-e-ālam huuñ

diyā hai mujh ko magar be-surūr hañgāma

milā hai mujh ko magar vaqf-e-iztirāb-e-sukūñ

na chāñd meñ hai chamak apnī aur na shabnam meñ

karūñ to kis kā zamāne meñ e'tibār karūñ

jo dil meñ baat hai alfāz meñ nahīñ aatī

so ek baat hai dil kī lagī kahūñ na kahūñ

sazā hai merī raho us dayār meñ ki jahāñ

garāñ hai āb-e-musaffā magar hai arzāñ ḳhuuñ

savāl-e-aql vahī hai javāb-e-jehl vahī

hazār baar karūñ das hazār baar sunūñ

ḳhafā hai rañg-e-gul-o-mauja-e-sabā mujh se

ki bāñdhtā huuñ dil-e-be-qarār kā mazmūñ

mujhe to apne pe ik lamha e'tibār nahīñ

nigār-e-dahr tujhe garche bā-vafā samjhūñ

hazār rāste pinhāñ haiñ reg-e-sahrā meñ

jo dam meñ dam ho to is dasht kī havā dekhūñ

khulā hai āl-e-mohammad ke faiz se mujh par

ki aadmī ko bhī hai iḳhtiyār-e-kun-fayakūñ

buland ba.ad-e-shahādat bhī hai ye nok-e-sināñ

sar-e-imām kisī haal bhī nahīñ hai nigūñ

meri nigah mein hai KHak sim-o-zar ka fusun

subut-e-moajiza-e-raftagan-e-alam hun

diya hai mujh ko magar be-surur hangama

mila hai mujh ko magar waqf-e-iztirab-e-sukun

na chand mein hai chamak apni aur na shabnam mein

karun to kis ka zamane mein e'tibar karun

jo dil mein baat hai alfaz mein nahin aati

so ek baat hai dil ki lagi kahun na kahun

saza hai meri raho us dayar mein ki jahan

garan hai aab-e-musaffa magar hai arzan KHun

sawal-e-aql wahi hai jawab-e-jehl wahi

hazar bar karun das hazar bar sunun

KHafa hai rang-e-gul-o-mauja-e-saba mujh se

ki bandhta hun dil-e-be-qarar ka mazmun

mujhe to apne pe ek lamha e'tibar nahin

nigar-e-dahr tujhe garche ba-wafa samjhun

hazar raste pinhan hain reg-e-sahra mein

jo dam mein dam ho to is dasht ki hawa dekhun

khula hai aal-e-mohammad ke faiz se mujh par

ki aadmi ko bhi hai iKHtiyar-e-kun-fayakun

buland baad-e-shahadat bhi hai ye nok-e-sinan

sar-e-imam kisi haal bhi nahin hai nigun