meri nigah mein har shaKHs be-hijab sa hai

mirī nigāh meñ har shaḳhs be-hijāb sā hai

har ek shaḳhs kā chehra khulī kitāb sā hai

tire qarīb raheñ ham tujhe na dekh sakeñ

hamārī āñkhoñ pe shāyad koī hijāb sā hai

talāsh meñ haiñ sukūñ kī sukūñ nahīñ miltā

hamārā jism bhī ham par koī itaab sā hai

fazā meñ buġhz-o-adāvat kī gard hai raqsāñ

hamāre shahr kā mausam abhī ḳharāb sā hai

phir aaj un ko mirī yaad aa ga.ī 'mashkūr'

phir aaj qalb kī dhaḌkan meñ iztirāb sā hai

meri nigah mein har shaKHs be-hijab sa hai

har ek shaKHs ka chehra khuli kitab sa hai

tere qarib rahen hum tujhe na dekh saken

hamari aankhon pe shayad koi hijab sa hai

talash mein hain sukun ki sukun nahin milta

hamara jism bhi hum par koi itab sa hai

faza mein bughz-o-adawat ki gard hai raqsan

hamare shahr ka mausam abhi KHarab sa hai

phir aaj un ko meri yaad aa gai 'mashkur'

phir aaj qalb ki dhaDkan mein iztirab sa hai