meri shikast ne mujhko bahut tawana kiya

mirī shikast ne mujh ko bahut tavānā kiyā

zamīn-bos huā aur falak nishāna kiyā

savād-e-lafz pe ma.anī kā pairahan rakkhā

uThāyā sher fazā meñ use tarāna kiyā

tarīq-o-taur rakhā ishq meñ ajīb-o-ġharīb

raqīb se bhī marāsim ko mahramāna kiyā

hamīñ the jo ki makāñ-dar-makāñ makīñ na hue

pa tā.eroñ ne jahāñ chāhā āshiyāna kiyā

vo kaun zamzama-pairā huā thā āḳhir-e-shab

ye kis ne āḳhir-e-shab raqs-e-dil-barāna kiyā

ye merī qadr-o-qazā hai ki sar-buland rahā

agarche jo bhī kiyā maiñ ne bāġhiyāna kiyā

hamārā maljā-o-māvā hī kyā ki arz kareñ

tumhāre dast-e-karam ne use ḳhazāna kiyā

ye hast-o-būd kā jab silsila tamām huā

tamām arz-o-samā phir se zar-fishāna kiyā

yaqīn hai ki huā hogā kaise shaqq-e-qamar

yaqīñ hai un ne ajab kār-e-munsifāna kiyā

vo arsh-o-farsh pe zāhir nahīñ ki bātin haiñ

jo un se ishq kiyā ham ne ġhā.ebāna kiyā

'anīs' ishq karo haañ zamīñ se ishq karo

abhī talak jo kiyā tum ne āmirāna kiyā

meri shikast ne mujh ko bahut tawana kiya

zamin-bos hua aur falak nishana kiya

sawad-e-lafz pe mani ka pairahan rakkha

uThaya sher faza mein use tarana kiya

tariq-o-taur rakha ishq mein ajib-o-gharib

raqib se bhi marasim ko mahramana kiya

hamin the jo ki makan-dar-makan makin na hue

pa taeron ne jahan chaha aashiyana kiya

wo kaun zamzama-paira hua tha aaKHir-e-shab

ye kis ne aaKHir-e-shab raqs-e-dil-barana kiya

ye meri qadr-o-qaza hai ki sar-buland raha

agarche jo bhi kiya main ne baghiyana kiya

hamara malja-o-mawa hi kya ki arz karen

tumhaare dast-e-karam ne use KHazana kiya

ye hast-o-bud ka jab silsila tamam hua

tamam arz-o-sama phir se zar-fishana kiya

yaqin hai ki hua hoga kaise shaqq-e-qamar

yaqin hai un ne ajab kar-e-munsifana kiya

wo arsh-o-farsh pe zahir nahin ki baatin hain

jo un se ishq kiya hum ne ghaebana kiya

'anis' ishq karo han zamin se ishq karo

abhi talak jo kiya tum ne aamirana kiya