meri talash mein har sham har sahar aaya

mirī talāsh meñ har shaam har sahar aaya

mire vajūd meñ kyā jaane kyā nazar aaya

na jaane kaunsā qissa kahā thā dilbar ne

jo un kī bazm se aaya vo chashm-e-tar aaya

usī ke naqsh-e-qadam par ravāñ zamāna hai

vo naqsh-e-pā jo har ik raah meñ ubhar aaya

vajūd se mire inkār karne vāloñ ko

havādisāt ne gherā to yaad farmāyā

sila ye husn-e-amal kā 'hilāl' paayā hai

shajar jo ham ne ugāyā vo be-samar aaya

meri talash mein har sham har sahar aaya

mere wajud mein kya jaane kya nazar aaya

na jaane kaunsa qissa kaha tha dilbar ne

jo un ki bazm se aaya wo chashm-e-tar aaya

usi ke naqsh-e-qadam par rawan zamana hai

wo naqsh-e-pa jo har ek rah mein ubhar aaya

wajud se mere inkar karne walon ko

hawadisat ne ghera to yaad farmaya

sila ye husn-e-amal ka 'hilal' paya hai

shajar jo hum ne ugaya wo be-samar aaya