meri talash-o-talab hai nai zamin ke liye

mirī talāsh-o-talab hai na.ī zamīñ ke liye

hai kahkashāñ kī zarūrat tirī jabīñ ke liye

kabhī sitāra-e-zohrā hañsā to maiñ samjhā

mirī nigāh ke bose tirī jabīñ ke liye

zabān-e-sher meñ kahtā huuñ zikr-e-mehnat-o-zar

sadā-e-ām hai yārān-e-nukta-chīñ ke liye

usī kī yaad se ḳhush hai dil-e-hazīñ merā

usī kī yaad qayāmat dil-e-hazīñ ke liye

tumheñ ḳhabar hai ki shabnam ke ashk āvāra

machal rahe haiñ tumhārī hī āstīñ ke liye

dil-e-tabāh ko jangal meñ pheñk do 'rif.at'

ye jins-e-ḳhām na rakkho kisī hasīñ ke liye

meri talash-o-talab hai nai zamin ke liye

hai kahkashan ki zarurat teri jabin ke liye

kabhi sitara-e-zohra hansa to main samjha

meri nigah ke bose teri jabin ke liye

zaban-e-sher mein kahta hun zikr-e-mehnat-o-zar

sada-e-am hai yaran-e-nukta-chin ke liye

usi ki yaad se KHush hai dil-e-hazin mera

usi ki yaad qayamat dil-e-hazin ke liye

tumhein KHabar hai ki shabnam ke ashk aawara

machal rahe hain tumhaari hi aastin ke liye

dil-e-tabah ko jangal mein phenk do 'rifat'

ye jins-e-KHam na rakkho kisi hasin ke liye