meri taraf se zara apne dil ko saf karo

mirī taraf se zarā apne dil ko saaf karo

jo ho sake to ḳhatāvār ko mu'āf karo

dil-o-nigāh kī vus'at isī ko kahte haiñ

harīf ke bhī mahāsin kā e'tirāf karo

ba-zor-e-teġh mujhe tum jhukā nahīñ sakte

zamāne-bhar ko saf-ārā mire ḳhilāf karo

nazar jhukā ke mire zikr par sar-e-mahfil

tum ek baar mohabbat kā e'tirāf karo

salīb-o-dār muqaddar haiñ rāst-goī kā

ba-ehtiyāt sadāqat kā inkishāf karo

bajā ho merī har ik baat lāzmī to nahīñ

tumheñ ye haq hai ki tum mujh se iḳhtilāf karo

yahāñ ḳhamoshī-e-ġhairat ko kaun samjhegā

har ik sitam kā sar-e-bazm inkishāf karo

jhulas na jaa.e na.ī paud gulsitāñ kī kahīñ

fazā ko zahr-e-ta’assub se pāk-o-sāf karo

utāro zehn meñ ġhazloñ kī gul-badan pariyāñ

'shabāb' zehn ko har raat koh-e-qāf karo

meri taraf se zara apne dil ko saf karo

jo ho sake to KHatawar ko mu'af karo

dil-o-nigah ki wus'at isi ko kahte hain

harif ke bhi mahasin ka e'tiraf karo

ba-zor-e-tegh mujhe tum jhuka nahin sakte

zamane-bhar ko saf-ara mere KHilaf karo

nazar jhuka ke mere zikr par sar-e-mahfil

tum ek bar mohabbat ka e'tiraf karo

salib-o-dar muqaddar hain rast-goi ka

ba-ehtiyat sadaqat ka inkishaf karo

baja ho meri har ek baat lazmi to nahin

tumhein ye haq hai ki tum mujh se iKHtilaf karo

yahan KHamoshi-e-ghairat ko kaun samjhega

har ek sitam ka sar-e-bazm inkishaf karo

jhulas na jae nai paud gulsitan ki kahin

faza ko zahr-e-ta’assub se pak-o-saf karo

utaro zehn mein ghazlon ki gul-badan pariyan

'shabab' zehn ko har raat koh-e-qaf karo