meri unki nigahen mil rahi hain

mirī un kī nigāheñ mil rahī haiñ

na.ī ulfat kī rāheñ mil rahī haiñ

taḌap uThte haiñ aksar vo bhī sun kar

ab aahoñ ko panāheñ mil rahī haiñ

tirī manzil hai bad-tar but-kadoñ se

ḳhusūsan ḳhān-qāheñ mil rahī haiñ

sabaq letā huuñ har Thokar se apnī

mujhe yuuñ dars-gāheñ mil rahī haiñ

banī jaatī haiñ mehrāb-e-mohabbat

jo añgḌā.ī meñ bāheñ mal rahī haiñ

mujhe kuchh shor-e-nāqūs-o-azāñ se

tire milne kī rāheñ mil rahī haiñ

mileñge dil se ik din vo 'riyāzī'

abhī un se nigāheñ mill rahī haiñ

meri un ki nigahen mil rahi hain

nai ulfat ki rahen mil rahi hain

taDap uThte hain aksar wo bhi sun kar

ab aahon ko panahen mil rahi hain

teri manzil hai bad-tar but-kadon se

KHususan KHan-qahen mil rahi hain

sabaq leta hun har Thokar se apni

mujhe yun dars-gahen mil rahi hain

bani jati hain mehrab-e-mohabbat

jo angDai mein bahen mal rahi hain

mujhe kuchh shor-e-naqus-o-azan se

tere milne ki rahen mil rahi hain

milenge dil se ek din wo 'riyazi'

abhi un se nigahen mill rahi hain