مری وفا کے فلک پر گئے ہیں افسانے

مری وفا کے فلک پر گئے ہیں افسانے

زمین والے حقیقت نہ میری پہچانے

تری تلاش و تجسس کا مشغلہ بے سود

کہ جب تک آدمی ہستی نہ اپنی پہچانے

بذوق دید نگاہوں میں دم ہے اے ساقی

ادھر بھی آج چھلکتے ہوئے یہ پیمانے

جنوں طراز نہ ہوتی اگر نگاہ تری

تو ہوتے کس طرح آباد پھر یہ ویرانے

سمجھ رہے ہو جنہیں تم بھی اور زمانہ بھی

وہ واقعات ہیں پھر آج مجھ کو دہرانے

یہ اور بات ہے ظاہرؔ کہ ہم گلہ نہ کریں

مزاج حسن کو مدت ہوئی ہے پہچانے