meri zaban ki ibarat hai guftugu teri

mirī zabāñ kī ibārat hai guftugū terī

mire fasāne kā unvāñ hai aarzū terī

abas ki mujh pe hai ilzām-e-ḳhud-farāmoshī

haram se der meñ laa.ī hai justujū terī

fareb-e-nik.hat-e-gul se bachā ke dāman-e-dil

zabān-e-ḳhār se suntā huuñ guftugū terī

hijāb meñ bhī tujhe be-hijāb dekh liyā

har ek phuul meñ chehra tirā hai bū terī

zamāna tālib-e-dīdār hotā jalva-e-nāz

bachī hai tuur ke jalne se aabrū terī

rahā na parda salāmat jamāl-e-parda-nashīñ

guloñ ne khīñch lī tasvīr hū-ba-hū terī

ġharaz hai dair se mujh ko na fikr ka.abe se

maiñ apne aap meñ kartā huuñ justujū terī

jo dekhā ramz kī āñkhoñ meñ baad marne ke

khiñchī thī putlī meñ tasvīr hū-ba-hū terī

meri zaban ki ibarat hai guftugu teri

mere fasane ka unwan hai aarzu teri

abas ki mujh pe hai ilzam-e-KHud-faramoshi

haram se der mein lai hai justuju teri

fareb-e-nikhat-e-gul se bacha ke daman-e-dil

zaban-e-KHar se sunta hun guftugu teri

hijab mein bhi tujhe be-hijab dekh liya

har ek phul mein chehra tera hai bu teri

zamana talib-e-didar hota jalwa-e-naz

bachi hai tur ke jalne se aabru teri

raha na parda salamat jamal-e-parda-nashin

gulon ne khinch li taswir hu-ba-hu teri

gharaz hai dair se mujh ko na fikr kabe se

main apne aap mein karta hun justuju teri

jo dekha ramz ki aankhon mein baad marne ke

khinchi thi putli mein taswir hu-ba-hu teri