meri zindagi pe na muskura mujhe zindagi ka alam nahin

Shakeel Badayuni

meri zindagi pe na muskura mujhe zindagi ka alam nahin

Shakeel Badayuni

MORE BY Shakeel Badayuni

    mirī zindagī pe na muskurā mujhe zindagī alam nahīñ

    jise tere ġham se ho vāsta vo ḳhizāñ bahār se kam nahīñ

    mirā kufr hāsil-e-zohd hai mirā zohd hāsil-e-kufr hai

    mirī bandagī vo hai bandagī jo rahīn-e-dair-o-haram nahīñ

    mujhe raas aa.eñ ḳhudā kare yahī ishtibāh sā.ateñ

    unheñ aitabār-e-vafā to hai mujhe aitabār-e-sitam nahīñ

    vahī kārvāñ vahī rāste vahī zindagī vahī marhale

    magar apne apne maqām par kabhī tum nahīñ kabhī ham nahīñ

    na vo shān-e-jabr-e-shabāb hai na vo rañg-e-qahr-e-itāb hai

    dil-e-be-qarār pe in dinoñ hai sitam yahī ki sitam nahīñ

    na fanā mirī na baqā mirī mujhe ai 'shakīl' na DhūñDhiye

    maiñ kisī husn-e-ḳhayāl huuñ mirā kuchh vajūd o adam nahīñ

    meri zindagi pe na muskura mujhe zindagi ka alam nahin

    jise tere gham se ho wasta wo KHizan bahaar se kam nahin

    mera kufr hasil-e-zohd hai mera zohd hasil-e-kufr hai

    meri bandagi wo hai bandagi jo rahin-e-dair-o-haram nahin

    mujhe ras aaen KHuda kare yahi ishtibah ki saaten

    unhen aitabar-e-wafa to hai mujhe aitabar-e-sitam nahin

    wahi karwan wahi raste wahi zindagi wahi marhale

    magar apne apne maqam par kabhi tum nahin kabhi hum nahin

    na wo shan-e-jabr-e-shabab hai na wo rang-e-qahr-e-itab hai

    dil-e-be-qarar pe in dinon hai sitam yahi ki sitam nahin

    na fana meri na baqa meri mujhe ai 'shakil' na DhunDhiye

    main kisi ka husn-e-KHayal hun mera kuchh wajud o adam nahin

    RECITATIONS

    Nomaan Shauque

    Nomaan Shauque

    Nomaan Shauque

    meri zindagi pe na muskura mujhe zindagi ka alam nahin Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites