maut jab tak nazar nahin aati
maut jab tak nazar nahīñ aatī
zindagī raah par nahīñ aatī
tark-e-tadbīr bhī nahīñ āsāñ
raas tadbīr agar nahīñ aatī
markaz-e-dil pe jo nahīñ qaa.em
vo nazar raah par nahīñ aatī
dil ko lazzat-shanās-e-ġham kar leñ
maut ham ko agar nahīñ aatī
jis ne terī nazar ko dekh liyā
us ko duniyā nazar nahīñ aatī
vo kabhī mehrbān ho jaatā
aisī sūrat nazar nahīñ aatī
jiite jī ke haiñ saare hañgāme
mar ke phir kuchh ḳhabar nahīñ aatī
aah kyā ho gayā zamāne ko
ab muravvat nazar nahīñ aatī
hai unheñ to vaqār-e-ijz-o-niyāz
vo tamannā jo bar nahīñ aatī
zindagī se nibāhe jā.eñge
maut jab tak nazar nahīñ aatī
ashk-e-paiham 'jigar' nahīñ thamte
raah par chashm-e-tar nahīñ aatī
maut jab tak nazar nahin aati
zindagi rah par nahin aati
tark-e-tadbir bhi nahin aasan
ras tadbir agar nahin aati
markaz-e-dil pe jo nahin qaem
wo nazar rah par nahin aati
dil ko lazzat-shanas-e-gham kar len
maut hum ko agar nahin aati
jis ne teri nazar ko dekh liya
us ko duniya nazar nahin aati
wo kabhi mehrban ho jata
aisi surat nazar nahin aati
jite ji ke hain sare hangame
mar ke phir kuchh KHabar nahin aati
aah kya ho gaya zamane ko
ab murawwat nazar nahin aati
hai unhen to waqar-e-ijz-o-niyaz
wo tamanna jo bar nahin aati
zindagi se nibahe jaenge
maut jab tak nazar nahin aati
ashk-e-paiham 'jigar' nahin thamte
rah par chashm-e-tar nahin aati
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
