misal-e-gard mizaj-e-hayat barham hai

misāl-e-gard mizāj-e-hayāt barham hai

amal bahut hai magar maqsad-e-amal kam hai

bajā hai lazzat-e-sher-o-sharāb-o-naġhma-o-rang

magar ye ḳhalvat-e-jalva-numā bhī kyā kam hai

dayār-e-huzn se aage hai sarzamīn-e-nashāt

hazār haif magar vus.at-e-nazar kam hai

dayār-e-dil ke liye rāste bahut lekin

rah-e-ḳhulūs se jaao to fāsla kam hai

uḌā uḌā sā hai rang-e-ruḳh-e-zamāna 'qamar'

rag-e-hayāt meñ iḳhlās kā lahū kam hai

misal-e-gard mizaj-e-hayat barham hai

amal bahut hai magar maqsad-e-amal kam hai

baja hai lazzat-e-sher-o-sharab-o-naghma-o-rang

magar ye KHalwat-e-jalwa-numa bhi kya kam hai

dayar-e-huzn se aage hai sarzamin-e-nashat

hazar haif magar wusat-e-nazar kam hai

dayar-e-dil ke liye raste bahut lekin

rah-e-KHulus se jao to fasla kam hai

uDa uDa sa hai rang-e-ruKH-e-zamana 'qamar'

rag-e-hayat mein iKHlas ka lahu kam hai