misl-e-baad-e-saba tere kuche mein ai jaan-e-jaan aae hain

misl-e-bād-e-sabā tere kūche meñ ai jān-e-jāñ aa.e haiñ

chand saa.at raheñge chale jā.eñge sar-garāñ aa.e haiñ

shām-e-āzurdagī ke satā.e hue choT khaa.e hue

mehrbāñ ho ke mil ham bahut aaj nā-shādmāñ aa.e haiñ

ishq karnā jo sīkhā to duniyā baratne kā fan aa gayā

kārobār-e-junūñ aa gayā hai to kār-e-jahāñ aa.e haiñ

zaḳhm khulne lage phir ubharne lagīñ dil kī mahrūmiyāñ

yaad phir tere andāz-e-dildārī-e-jism-o-jāñ aa.e haiñ

dāstān-e-shab-e-hijr un ko sunāne kā din ye nahīñ

mahfil-e-ishq meñ aaj hī to vo kuchh mehrbāñ aa.e haiñ

misl-e-baad-e-saba tere kuche mein ai jaan-e-jaan aae hain

chand saat rahenge chale jaenge sar-garan aae hain

sham-e-azurdagi ke satae hue choT khae hue

mehrban ho ke mil hum bahut aaj na-shadman aae hain

ishq karna jo sikha to duniya baratne ka fan aa gaya

karobar-e-junun aa gaya hai to kar-e-jahan aae hain

zaKHm khulne lage phir ubharne lagin dil ki mahrumiyan

yaad phir tere andaz-e-dildari-e-jism-o-jaan aae hain

dastan-e-shab-e-hijr un ko sunane ka din ye nahin

mahfil-e-ishq mein aaj hi to wo kuchh mehrban aae hain