مٹ گیا سب جو لکھا تھا منتشر اوراق پر

مٹ گیا سب جو لکھا تھا منتشر اوراق پر

خواہشیں حسرت بنیں تو رکھ دیا اک طاق پر

سامنے آتا نہیں ہے کیوں کبھی تو بے نقاب

ظلم اتنا تو نہ کر اس دیدۂ مشتاق پر

بندگی کرنی نہیں تھی اے بشر تجھ کو اگر

ثبت کی تھی مہر کیوں پھر بندھن میثاق پر

جو ہوئے رخصت یہاں سے آسماں پر سج گئے

ڈھونڈھتا ہوں اک ستارہ سرحد آفاق پر

کیوں کہا اہل خرد نے درد کا درماں نہیں

کب کیا تھا ہم نے تکیہ زہر کے تریاک پر

شعلۂ الفت کو نظروں کا تصادم چاہیے

آگ کو جیسے رگڑنا سنگ کا چقماق پر