miT kar bhi gham-e-dost mein aaram na aaya

miT kar bhī ġham-e-dost meñ ārām na aaya

had ho ga.ī marnā bhī mire kaam na aaya

ushshāq kī qismat ko burā kahtī hai duniyā

sad-shukr ki tum par koī ilzām na aaya

har-chand baġhāvat pe ubhārā ġham-e-dil ne

lekin mire hoñToñ pe tirā naam na aaya

is meñ bhī koī maslahat-e-pīr-e-muġhāñ thī

mahfil meñ jidhar ham the udhar jaam na aaya

kyā ho gayā allāh mirā jazb-e-mohabbat

muddat se koī dost kā paiġhām na aaya

tartīb diyā jis ne mohabbat kā fasāna

us kā hī fasāne meñ kahīñ naam na aaya

'raunaq' nahīñ mahfil meñ tirī raunaq-e-mahfil

kyā baat hai kyoñ aaj vo nākām na aaya

miT kar bhi gham-e-dost mein aaram na aaya

had ho gai marna bhi mere kaam na aaya

ushshaq ki qismat ko bura kahti hai duniya

sad-shukr ki tum par koi ilzam na aaya

har-chand baghawat pe ubhaara gham-e-dil ne

lekin mere honTon pe tera nam na aaya

is mein bhi koi maslahat-e-pir-e-mughan thi

mahfil mein jidhar hum the udhar jam na aaya

kya ho gaya allah mera jazb-e-mohabbat

muddat se koi dost ka paigham na aaya

tartib diya jis ne mohabbat ka fasana

us ka hi fasane mein kahin nam na aaya

'raunaq' nahin mahfil mein teri raunaq-e-mahfil

kya baat hai kyon aaj wo nakaam na aaya