miT nahin sakta qayamat tak nishan-e-arzu

miT nahīñ saktā qayāmat tak nishān-e-ārzū

husn jism-e-ārzū hai ishq jān-e-ārzū

vo suneñ siine se lag kar dāstān-e-ārzū

dil kī har āvāz hotī hai zabān-e-ārzū

be-ḳhudī kī manziloñ meñ sarf-e-hairat ho gayā

dil ki le de kar bachā thā ik nishān-e-ārzū

be-qarārī be-ḳhudī bechārgī dīvāngī

haiñ ye unvānāt-e-zeb-e-dāstān-e-ārzū

ho chukī roz-e-azal vābastagī-e-huns-o-ishq

ek jān-e-ārzū hai ik jahān-e-ārzū

un kī duzdīda nigāhoñ meñ ye kyā e.ajāz thā

jī uThe ek-bārgī sab kushtagān-e-ārzū

ho chale un ke lab-e-nāzuk tabassum-āshnā

barq se kab tak bachegā āshiyān-e-ārzū

zindagī mere liye 'tālib' sazā-e-ishq hai

merī hastī hai mujassam dāstān-e-ārzū

miT nahin sakta qayamat tak nishan-e-arzu

husn jism-e-arzu hai ishq jaan-e-arzu

wo sunen sine se lag kar dastan-e-arzu

dil ki har aawaz hoti hai zaban-e-arzu

be-KHudi ki manzilon mein sarf-e-hairat ho gaya

dil ki le de kar bacha tha ek nishan-e-arzu

be-qarari be-KHudi bechaargi diwangi

hain ye unwanat-e-zeb-e-dastan-e-arzu

ho chuki roz-e-azal wabastagi-e-huns-o-ishq

ek jaan-e-arzu hai ek jahan-e-arzu

un ki duzdida nigahon mein ye kya eajaz tha

ji uThe ek-bargi sab kushtagan-e-arzu

ho chale un ke lab-e-nazuk tabassum-ashna

barq se kab tak bachega aashiyan-e-arzu

zindagi mere liye 'talib' saza-e-ishq hai

meri hasti hai mujassam dastan-e-arzu