miTa kar aaj mujhko un ke armanon ki ban aai

miTā kar aaj mujh ko un ke armānoñ kī ban aa.ī

milī surḳhī mire ḳhuuñ kī to afsānoñ kī ban aa.ī

hamārī sāda-lauhī ne hameñ barbād kar Daalā

dilā kar ḳhauf rahzan kā nigahbānoñ kī ban aa.ī

jidhar dekho udhar haiñ chāk-dāmānī ke nazzāre

gulistāñ meñ bahār aate hī dīvānoñ kī ban aa.ī

mohabbat kī qasam ek ek zarra aaj dushman hai

nazar apnoñ ne kyā pherī ki begānoñ kī ban aa.ī

koī pī kar huā badmast koī rah gayā tishna

jo saaqī ne zarā shah dī to paimānoñ kī ban aa.ī

nizām-e-nau kī is jamhūr-sāmānī kā kyā kahnā

rahe ham ḳhāna-vīrāñ aur aivānoñ kī ban aa.ī

kuchh is andāz se hālāt ne liiñ karvaTeñ 'muslim'

ba-nām-e-gañg-o-kausar fitna-sāmānoñ kī ban aa.ī

miTa kar aaj mujh ko un ke armanon ki ban aai

mili surKHi mere KHun ki to afsanon ki ban aai

hamari sada-lauhi ne hamein barbaad kar Dala

dila kar KHauf rahzan ka nigahbanon ki ban aai

jidhar dekho udhar hain chaak-damani ke nazzare

gulistan mein bahaar aate hi diwanon ki ban aai

mohabbat ki qasam ek ek zarra aaj dushman hai

nazar apnon ne kya pheri ki beganon ki ban aai

koi pi kar hua badmast koi rah gaya tishna

jo saqi ne zara shah di to paimanon ki ban aai

nizam-e-nau ki is jamhur-samani ka kya kahna

rahe hum KHana-viran aur aiwanon ki ban aai

kuchh is andaz se haalat ne lin karwaTen 'muslim'

ba-nam-e-gang-o-kausar fitna-samanon ki ban aai