میاں دو چار دن کی یہ ہماری زندگانی ہے

میاں دو چار دن کی یہ ہماری زندگانی ہے

یہاں زندہ رہے گا کون سب کو موت آنی ہے

نہیں ہے پیار کے لائق کوئی بھی اس زمانے میں

میں خود سے پیار کرتا ہوں مری بھی اک کہانی ہے

اندھیری قبر میں بن جائے گی وہ نور کی قندیل

ہمارے دل کے اندر جو کتاب آسمانی ہے

سفر میں ہیں سب اک مدت سے منزل تک نہیں پہنچے

یہی سچائی ہے اس کی یہ دنیا آنی جانی ہے

جو اس نے جاتے جاتے دی تھی ہم کو ایک دن منہاجؔ

ہمارے پاس اب بھی وہ محبت کی نشانی ہے