miyan-e-did koi wajh-e-iltifat khule

miyān-e-dīd koī vaj.h-e-iltifāt khule

ki us kā band-e-qabā shab ke saath saath khule

hazār ramz-o-kinā.e ba-sūrat-e-tahrīr

agar khule to kisī be-hunar ke haath khule

khulā ki 'umr-e-ravāñ hai ba-rang-e-kaif-o-surūr

vo ḳhadd-o-ḳhāl bahut chāñdnī kī raat khule

vo aañkh khultī hai paiham so vo khulī hī rahe

kahāñ ye fikr hameñ dahr-e-be-sabāt khule

sharāb vāqi’atan irtiqā-e-ahsan hai

so pī rahe haiñ musalsal ki ye hayāt khule

kise shu'ūr mayassar hai āshnā.ī kā

kise nasīb ki us par hamārī zaat khule

miyan-e-did koi wajh-e-iltifat khule

ki us ka band-e-qaba shab ke sath sath khule

hazar ramz-o-kinae ba-surat-e-tahrir

agar khule to kisi be-hunar ke hath khule

khula ki 'umr-e-rawan hai ba-rang-e-kaif-o-surur

wo KHadd-o-KHal bahut chandni ki raat khule

wo aankh khulti hai paiham so wo khuli hi rahe

kahan ye fikr hamein dahr-e-be-sabaat khule

sharab waqi’atan irtiqa-e-ahsan hai

so pi rahe hain musalsal ki ye hayat khule

kise shu'ur mayassar hai aashnai ka

kise nasib ki us par hamari zat khule