miyan zamane se lahja juda nahin tera

miyāñ zamāne se lahja judā nahīñ terā

yaqīn kar ki yaqīñ ab rahā nahīñ terā

kisī bhī dil ko salāmat nahīñ rakhā tū ne

ki kaam koī bhī achchhā rahā nahīñ terā

vahī hai ḳhushbū na.e haath kī hinā meñ magar

abhī tak aañkh se naqsha miTā nahīñ terā

mire ḳhilāf galī meñ huiiñ thiiñ bāteñ bahut

magar vahāñ koī chehra dikhā nahīñ terā

ye biich rāste meñ hijr kā jo faisla hai

kisī kā faisla hai faisla nahīñ terā

mirā vajūd hai garche sabab duāoñ kā

mire vajūd pe harf-e-duā nahīñ terā

ye tere baare meñ bhī soch rakhtā hai koī

mirā ḳhudā hai 'muzammil' ḳhudā nahīñ terā

miyan zamane se lahja juda nahin tera

yaqin kar ki yaqin ab raha nahin tera

kisi bhi dil ko salamat nahin rakha tu ne

ki kaam koi bhi achchha raha nahin tera

wahi hai KHushbu nae hath ki hina mein magar

abhi tak aankh se naqsha miTa nahin tera

mere KHilaf gali mein huin thin baaten bahut

magar wahan koi chehra dikha nahin tera

ye bich raste mein hijr ka jo faisla hai

kisi ka faisla hai faisla nahin tera

mera wajud hai garche sabab duaon ka

mere wajud pe harf-e-dua nahin tera

ye tere bare mein bhi soch rakhta hai koi

mera KHuda hai 'muzammil' KHuda nahin tera