mizaj-e-shahr ki KHushki se ajnabi main tha

mizāj-e-shahr kī ḳhushkī se ajnabī maiñ thā

paramparā kī kahānī meñ bid.atī maiñ thā

ġharīq-e-fisq ke chehre ko yaad phir se kar

masarratoñ bhare hoñToñ pe kapkapī maiñ thā

tirā ye zo.am ki tū ḳhud hī aa gayā hai yahāñ

ai nā-samajh tirī āñkhoñ kī raushnī maiñ thā

ġhazal ġhazal pe tavajjoh sameTne vaale

tirā kināya-o-tashbīh-o-shā.erī maiñ thā

jise tū shaan se sar par uThā.e phirtā hai

usī zarāfat-e-dil kā dharā kabhī maiñ thā

tire vajūd se thī rangat-o-bahār-o-sabā

tire chaman ke gulāboñ kī tāzgī maiñ thā

mujhe nikāl ke us ne bhalā kiyā 'mansūr'

bahisht-zār kā bas ik jahannamī maiñ thā

mizaj-e-shahr ki KHushki se ajnabi main tha

parampara ki kahani mein bidati main tha

ghariq-e-fisq ke chehre ko yaad phir se kar

masarraton bhare honTon pe kapkapi main tha

tera ye zoam ki tu KHud hi aa gaya hai yahan

ai na-samajh teri aankhon ki raushni main tha

ghazal ghazal pe tawajjoh sameTne wale

tera kinaya-o-tashbih-o-shaeri main tha

jise tu shan se sar par uThae phirta hai

usi zarafat-e-dil ka dhara kabhi main tha

tere wajud se thi rangat-o-bahaar-o-saba

tere chaman ke gulabon ki tazgi main tha

mujhe nikal ke us ne bhala kiya 'mansur'

bahisht-zar ka bas ek jahannami main tha