معجزہ یہ بھی دکھایا میں نے
اپنے قاتل کو رلایا میں نے
خود ہی زخموں سے سجایا دل کو
اور پھر جشن منایا میں نے
زیست بے نور ہوئی جاتی تھی
پھر لہو دل کا جلایا میں نے
چاند اور پھول ہی کیا ہر شے میں
بس ترا عکس ہی پایا میں نے
تیری یادوں کو سجا کر دل میں
اک صنم خانہ بنایا میں نے
شہر احساس تھا وہ خود بھی نگارؔ
بت کدہ دل کا جو ڈھایا میں نے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
