modern hiren to zar-daron ke han rah jaengi

modern hīreñ to zar-dāroñ ke haañ rah jā.eñgī

aur rāñjhoñ ke laboñ par murliyāñ rah jā.eñgī

ho sake to tum bachā lo ab bhī desī nasl ko

varna pīchhe sirf ''shevar'' murġhiyāñ rah jā.eñgī

''sunflower'' ho gayā hai ibn-e-ādam kī ġhizā

ab chaman-zāroñ meñ goyā sabziyāñ rah jā.eñgī

chhoTī qaumoñ par agar ''veto'' kā laTh chaltā rahā

sirf ''uñ.o'' meñ ġhunDa-gardiyāñ rah jā.eñgī

nek-sīrat shauharoñ ko dekh kar hūroñ ke biich

ḳhuld ke andar taḌap kar bīviyāñ rah jā.eñgī

zulmateñ hoñgī tavānā.ī ke is bohrān meñ

sirf āñkhoñ meñ chamaktī bijliyāñ rah jā.eñgī

murġh par fauran jhapaT dāvat meñ varna ba.ad meñ

shorba aur gardanoñ kī haDDiyāñ rah jā.eñgī

ghar ke gul-dānoñ meñ 'shāhid' phuul hoñge kāġhzī

aur pardoñ par ''printed'' titliyāñ rah jā.eñgī

modern hiren to zar-daron ke han rah jaengi

aur ranjhon ke labon par murliyan rah jaengi

ho sake to tum bacha lo ab bhi desi nasl ko

warna pichhe sirf shewar murghiyan rah jaengi

sunflower ho gaya hai ibn-e-adam ki ghiza

ab chaman-zaron mein goya sabziyan rah jaengi

chhoTi qaumon par agar weto ka laTh chalta raha

sirf uno mein ghunDa-gardiyan rah jaengi

nek-sirat shauharon ko dekh kar huron ke bich

KHuld ke andar taDap kar biwiyan rah jaengi

zulmaten hongi tawanai ke is bohran mein

sirf aankhon mein chamakti bijliyan rah jaengi

murgh par fauran jhapaT dawat mein warna baad mein

shorba aur gardanon ki haDDiyan rah jaengi

ghar ke gul-danon mein 'shahid' phul honge kaghzi

aur pardon par printed titliyan rah jaengi