mohabbat chahti hai jis ko afsana bana dena

mohabbat chāhtī hai jis ko afsāna banā denā

use kaafī nahīñ hotā hai dīvāna banā denā

par-e-gul se judā ham ne na dekhā barg-e-bulbul ko

nazar meñ aa gayā sūrat ko be-ma.anā banā denā

huā thā dil jo ḳhālī do ghaḌī ko ham na samjhe the

ki ho jā.egā ye ka.abe ko but-ḳhāna banā denā

kisī ne bhī na dekhā iztirāb-e-tishnagī merā

agar dekhā to bas shīshe ko paimāna banā denā

nahīñ ab chāhtā ye vahshī-e-be-ḳhānumāñ terā

ki aanā aur ḳhāk-e-pā se kāshāna banā denā

kisī ik teġh-e-jauhar-dār ko fāzil jilā de kar

use āsān hai bastī ko vīrāna banā denā

ham apnī jaan se dete tumheñ sadqa mohabbat kā

magar tum ne to chāhā is ko jurmāna banā denā

mohabbat chahti hai jis ko afsana bana dena

use kafi nahin hota hai diwana bana dena

par-e-gul se juda hum ne na dekha barg-e-bulbul ko

nazar mein aa gaya surat ko be-mana bana dena

hua tha dil jo KHali do ghaDi ko hum na samjhe the

ki ho jaega ye kabe ko but-KHana bana dena

kisi ne bhi na dekha iztirab-e-tishnagi mera

agar dekha to bas shishe ko paimana bana dena

nahin ab chahta ye wahshi-e-be-KHanuman tera

ki aana aur KHak-e-pa se kashana bana dena

kisi ek tegh-e-jauhar-dar ko fazil jila de kar

use aasan hai basti ko virana bana dena

hum apni jaan se dete tumhein sadqa mohabbat ka

magar tum ne to chaha is ko jurmana bana dena