mohabbat chhoD di humne mohabbat thi saza jaisi

mohabbat chhoḌ dī ham ne mohabbat thī sazā jaisī

usī ko chāhte the ham vo chāhat thī duā jaisī

ye jo ik zaḳhm-e-dil hai ye diyā ban kar chamaktā hai

ye jo ik Tiis hai furqat meñ hai mujh ko ziyā jaisī

maiñ apne sāmne hotī huuñ ā.īna uThā kar jab

koī laa.e zarā tamsīl merī us adā jaisī

mohabbat chāñd hai aur chāñdnī har-sū luTātī hai

mohabbat hai ġham-o-ālām meñ uThtī sadā jaisī

ajab vahshat-kada sā hai dil-e-maġhmūm ke andar

har ik sūrat hai jis meñ dard kī mujh ko balā jaisī

mohabbat chhoD di hum ne mohabbat thi saza jaisi

usi ko chahte the hum wo chahat thi dua jaisi

ye jo ek zaKHm-e-dil hai ye diya ban kar chamakta hai

ye jo ek Tis hai furqat mein hai mujh ko ziya jaisi

main apne samne hoti hun aaina uTha kar jab

koi lae zara tamsil meri us ada jaisi

mohabbat chand hai aur chandni har-su luTati hai

mohabbat hai gham-o-alam mein uThti sada jaisi

ajab wahshat-kada sa hai dil-e-maghmum ke andar

har ek surat hai jis mein dard ki mujh ko bala jaisi