mohabbat dukhon ki ek dawa hai

mohabbat dukhoñ kī ik davā hai

vagarna zindagī harf-e-duā hai

añdhere kā tanāsub baḌh na jaa.e

koī sūraj zamīñ pe aa girā hai

hamārā haal hai azhar-minashshams

jo sab kā haal hai kis se chhupā hai

dar-e-ka.aba pe bhī pahre biThāo

butoñ kī vāpsī kā marhala hai

shikasta-pā safar kī samt kho kar

musāfir raah meñ tanhā khaḌā hai

dar aa.e jis kā jī chāhe dar aa.e

sadā se dil kā darvāza khulā hai

musalsal aabjū meñ rahte rahte

kañval kā phuul kuchh uktā gayā hai

jahāñ sadiyoñ se hai pyāsoñ kā mela

'shamīm' is bazm kā shohra baḌā hai

mohabbat dukhon ki ek dawa hai

wagarna zindagi harf-e-dua hai

andhere ka tanasub baDh na jae

koi suraj zamin pe aa gira hai

hamara haal hai azhar-minashshams

jo sab ka haal hai kis se chhupa hai

dar-e-kaba pe bhi pahre biThao

buton ki wapsi ka marhala hai

shikasta-pa safar ki samt kho kar

musafir rah mein tanha khaDa hai

dar aae jis ka ji chahe dar aae

sada se dil ka darwaza khula hai

musalsal aabju mein rahte rahte

kanwal ka phul kuchh ukta gaya hai

jahan sadiyon se hai pyason ka mela

'shamim' is bazm ka shohra baDa hai