mohabbat ek se karke bataunga zamane ko

mohabbat ek se karke batā.ūñgā zamāne ko

hazāroñ laakh ā.eñge ye sun kar dil lagāne ko

idhar bechain thā vo bhī yahī armāñ batāne ko

mirā dil bhī tarastā thā use apnā banāne ko

tumhāre rūThne kī bhī adā pyārī yahāñ tak ki

baḌī mushkil se maiñ tayyār hotā thā manāne ko

karegī kaam kyā ye vaqt kī tāqat bhī dekheñge

ki sadiyāñ bhī paḌeñgī kam tirī yādeñ manāne ko

ḳhazāne kī mohabbat dil meñ kyā baaqī rahegī ab

lagā rakkhā hai jab dil se mohabbat ke ḳhazāne ko

jahāñ tak yaad hai tum to ḳhushī dene hī aate the

tumhārī yaad phir 'tāhir' kyoñ aatī hai satāne ko

mohabbat ek se karke bataunga zamane ko

hazaron lakh aaenge ye sun kar dil lagane ko

idhar bechain tha wo bhi yahi arman batane ko

mera dil bhi tarasta tha use apna banane ko

tumhaare ruThne ki bhi ada pyari yahan tak ki

baDi mushkil se main tayyar hota tha manane ko

karegi kaam kya ye waqt ki taqat bhi dekhenge

ki sadiyan bhi paDengi kam teri yaaden manane ko

KHazane ki mohabbat dil mein kya baqi rahegi ab

laga rakkha hai jab dil se mohabbat ke KHazane ko

jahan tak yaad hai tum to KHushi dene hi aate the

tumhaari yaad phir 'tahir' kyon aati hai satane ko