mohabbat ho gai hai to kya meri KHata hai

mohabbat ho ga.ī hai to kyā merī ḳhatā hai

mujhe hī sochtī hai to kyā merī ḳhatā hai

mire bin kuchh bhī achchhā nahīñ lagtā tujhe ab

ye duniyā bojh sī hai to kyā merī ḳhatā hai

vo jis ko chhoḌ kar maiñ tire pahlū meñ aayā

vo mujh ko DhūñDhtī hai to kyā merī ḳhatā hai

mire hī dam se tere chaman meñ raunaqeñ haiñ

havā.eñ jhūmtī haiñ to kyā merī ḳhatā hai

mirī paḌ jaa.eñ nazreñ tire nikhre badan par

mujhe tū khojtī hai to kyā merī ḳhatā hai

mirī photo ko aksar lagā kar phone par tū

use phir chūmtī hai to kyā merī ḳhatā hai

bharī mahfil meñ terī nazar ‘aivān’ par hai

'zafar' ko dekhtī hai to kyā merī ḳhatā hai

mohabbat ho gai hai to kya meri KHata hai

mujhe hi sochti hai to kya meri KHata hai

mere bin kuchh bhi achchha nahin lagta tujhe ab

ye duniya bojh si hai to kya meri KHata hai

wo jis ko chhoD kar main tere pahlu mein aaya

wo mujh ko DhunDhti hai to kya meri KHata hai

mere hi dam se tere chaman mein raunaqen hain

hawaen jhumti hain to kya meri KHata hai

meri paD jaen nazren tere nikhre badan par

mujhe tu khojti hai to kya meri KHata hai

meri photo ko aksar laga kar phone par tu

use phir chumti hai to kya meri KHata hai

bhari mahfil mein teri nazar ‘aiwan’ par hai

'zafar' ko dekhti hai to kya meri KHata hai