محبت ہو گئی پہلی نظر میں
محبت ہو گئی پہلی نظر میں
قیامت ہو گئی پہلی نظر میں
نظر ہٹتی نہیں صورت سے ان کی
یہ حالت ہو گئی پہلی نظر میں
ہماری زندگی اک اجنبی کی
امانت ہو گئی پہلی نظر میں
سہارا بن گئی وہ عمر بھر کا
جو الفت ہو گئی پہلی نظر میں
دھڑکتا ہے اسی کے نام سے دل
یہ صورت ہو گئی پہلی نظر میں
نہ پائی عمر بھر جو ہم کو حاصل
وہ دولت ہو گئی پہلی نظر میں
جو تھی ویران اب تک دل کی دنیا
وہ جنت ہو گئی پہلی نظر میں
وہ انجانے تھے لیکن ان پہ مائل
طبیعت ہو گئی پہلی نظر میں
پیامؔ ان کے ہوئے ہم یوں کسی کی
عنایت ہو گئی پہلی نظر میں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
